Një aksident rrugor ka ndodhur rreth orës 15:40 në aksin Peshkopi-Maqellarë, pranë fshatit Dovalan në rrethin e Dibrës.
Dy automjete, me drejtues shtetasit K.L., 68 vjeç, dhe N.J., 57 vjeç, janë përplasur me njëra-tjetrën. Si pasojë, kanë mbetur të lënduar dy drejtuesit dhe bashkëshortet e tyre, shtetaset H.J., 55 vjeçe, dhe V.L., 66 vjeçe.
Të plagosurit u transportuan fillimisht në Spitalin e Peshkopisë për ndihmë mjekësore. Shtetasi K.L. dhe bashkëshortja e tij V.L. u dërguan më pas me helikopter në Spitalin e Traumës në Tiranë për trajtim të specializuar, për shkak të gjendjes së rënduar shëndetësore.
Sipas Policisë së Dibrës, grupi hetimor ndodhet në vendngjarje dhe po kryen veprimet e nevojshme për sqarimin e rrethanave të aksidentit. Ngjarja ka shkaktuar bllokim të përkohshëm të qarkullimit të mjeteve në atë segment rrugor.
Përditësime
K.L. u identifikua si Kujtim Lika dhe V.L. si Vera Lika, raportojnë Balkan Web, Java News dhe Panorama.
Panorama përshkruan përplasjen si kokë më kokë pranë rrugës së Tërpçes në aksin Peshkopi-Maqellarë.
Novruz Jashari dhe Hane Jashari janë emrat e plotë të të lënduarve të rëndë.
- Mjeti i Likave ishte Opel, ndërsa ai i Jasharëve Ford.
- Kapllan Lika drejtonte mjetin e Likave, jo Kujtim Lika.
- Aksidenti ndodhi pranë karburantit të Trepçës.