Një aksident rrugor ka ndodhur ditën e sotme në fshatin Dhërmi, ku si pasojë e përplasjes "kokë më kokë" midis dy automjeteve kanë mbetur të lënduar katër persona.
Menjëherë pas njoftimit, shërbimet e emergjencës kanë mbërritur në vendngjarje dhe kanë transportuar të lënduarit drejt Spitalit Rajonal të Vlorës. Sipas burimeve spitalore, të katër personat ndodhen jashtë rrezikut për jetën dhe po marrin trajtimin e nevojshëm mjekësor.
Grupi hetimor i Polisisë Rrugore ndodhet në vendngjarje për të kryer veprimet procedurale dhe matjet përkatëse. Hetimet janë përqendruar në përcaktimin e shkaqeve dhe rrethanave të plota të këtij aksidenti. Identitetet apo moshat e të përfshirëve ende nuk janë bërë të ditura nga autoritetet.