Mesditën e sotme, një aksident rrugor është regjistruar në autostradën Fier–Vlorë, në afërsi të fshatit Mifol. Në ngjarje janë përfshirë një fuoristradë dhe një automjet i vogël, të cilat u përplasën për shkaqe që ende mbeten të paqarta.
Si pasojë e përplasjes, tre persona kanë pësuar lëndime dhe janë transportuar me urgjencë drejt Spitalit Rajonal të Vlorës. Sipas burimeve mjekësore, pacientët ndodhen jashtë rrezikut për jetën.
Në vendin e ngjarjes kanë mbërritur shërbimet e Policisë Rrugore, të cilat kanë siguruar zonën dhe kanë nisur procedurat hetimore për të zbardhur rrethanat e incidentit. Aktualisht, policia po merr në pyetje personat e përfshirë në aksident që nuk kanë pësuar dëmtime fizike, ndërsa hetimet për shkaqet e përplasjes vijojnë.