Një aksident rrugor ka ndodhur mëngjesin e të premtes në autostradën Vlorë-Fier, pranë fshatit Panaja.
Në përplasje janë përfshirë tre automjete:
- furgon tip Benz me targa AB 498 JR;
- një tjetër automjet tip Benz;
- një mjet i tonazhit të rëndë, konkretisht një bot uji.
Si pasojë e përplasjes së fortë, boti uji doli nga rruga, u përmbys në pjesën anësore dhe shkaktoi bllokim të pjesshëm të qarkullimit në zonë.
Një person mbeti i plagosur dhe u transportua në spital për ndihmë mjekësore. Fatmirësisht, nuk raportohet për viktima.
Policia ndodhet në vendngjarje dhe po zhvillon hetimet për të përcaktuar shkaqet dhe përgjegjësitë e aksidentit.