Një aksident i rëndë rrugor ka ndodhur mbrëmjen e të dielës, më 22 mars 2026, në aksin rrugor Vlorë–Kotë, në zonën e fshatit Drashovicë, përgjatë rrugës së lumit të Vlorës.
Në përplasje janë përfshirë dy automjete: një mjet tip Benz dhe një mjet tip Ford. Drejtuesi i Benz-it, Adi Alushaj, rreth 30 vjeç, dhe drejtuesi i Ford-it, Esat Brahimaj, rreth 40 vjeç, kanë humbur jetën në vendngjarje.
Pasagjeri Andrea Begaj ka mbetur i plagosur rëndë dhe është transportuar me urgjencë në spital, ku po merr ndihmë mjekësore.
Nga dëmtimet e automjeteve dyshohet se përplasja ka qenë frontale për shkak të shpejtësisë së lartë. Forcat e policisë dhe grupi hetimor ndodhen në vendngjarje dhe po punojnë për zbardhjen e plotë të shkaqeve dhe rrethanave të aksidentit.
Përditësime
Policia e Vlorës ka konfirmuar detajet e aksidentit rrugor në Drashovicë.
Ngjarja ndodhi rreth orës 20:55 te Ura e Vodicës, në rrugën e Lumit të Vlorës.
Pasagjeri Andrea Begaj, rreth 40 vjeç, udhëtonte në automjetin e Esat Brahimaj.
Marjus Seiti ka siguruar pamje video nga vendngjarja për News24.
Andrea Begaj, pasagjer në një nga mjetet, ndërroi jetë në spital rreth 2 orë pas aksidentit në Drashovicë të Vlorës. Bilanci i viktimave arrin në 3.
- Targat e automjeteve: Benz FR 4044C AA dhe Ford AB 309FL.
- Policia dyshon për shpejtësi tej normash dhe humbje kontolli të mjeteve.
- Java News publikoi pamje të reja nga brenda automjeteve, që tregojnë materiale pune në Ford, konfirmojnë se shoferi kthehej nga puna dhe portbagazhin e tij.
- Ora News raporton hipotezën e re për parakalim të gabuar si shkak të mundshëm të përplasjes.
- Policia dyshon se mjeti Ford ka qenë i pozicionuar në mënyrë të gabuar në mes të rrugës, duke krijuar rrezik.
- Shpejtësia e mjetit tjetër dyshohet 110–120 km/h në segment me kufizim 80 km/h.