Një aksident rrugor me pasoja të rënda ka ndodhur në zonën e Kaninës në Vlorë. Si pasojë e përplasjes së dy automjeteve, një prej drejtuesve të tyre ndodhet në gjendje të rëndë shëndetësore.
Për shkak të përplasjes, drejtuesi i mjetit ka mbetur i bllokuar brenda automjetit. Për nxjerrjen e tij është kërkuar ndërhyrja e menjëhershme e forcave zjarrfikëse të Vlorës, të cilat kanë bërë të mundur lirimin e tij nga mjeti i dëmtuar.
Shërbimet e emergjencës kanë mbërritur në vendin e ngjarjes për t'i dhënë ndihmën e parë të dëmtuarit, ndërkohë që grupi hetimor i policisë ndodhet në vendngjarje për të kryer veprimet procedurale dhe për të zbardhur shkaqet dhe rrethanat e plota të aksidentit.