Një aksident rrugor ka ndodhur në mbrëmjen e kësaj të mërkure në Rruga e Arbrit, në vendin e quajtur Shkalla e Tujanit, pak kilometra larg Tiranës.
Automjeti që po lëvizte drejt kryeqytetit doli nga rruga dhe përfundoi në kanal. Një burim raporton se mjeti u përmbys. Nuk dihet ende numri i saktë i personave në automjet.
Shoferi mbeti i plagosur rëndë dhe u transportua me urgjencë në spital. Gjendja e tij raportohet e rëndë nga disa burime.
Në vendngjarje ka mbërritur policia, e cila pritet të njoftojë për shkaqet e aksidentit dhe detaje të tjera.