Një aksident trafiku ka ndodhur të shtunën në aksin rrugor Gjilan-Ferizaj, konkretisht në fshatin Ramajn, ku një këmbësor ka mbetur i lënduar pas goditjes nga një automjet. Lajmi është bërë i ditur nga zëdhënësi i Policisë për Rajonin e Gjilanit, Valon Osmani, i cili njoftoi se ngjarja është raportuar në sallën operative rreth orës 11:37.
Pas goditjes, këmbësori është dërguar me urgjencë në Qendrën Emergjente të Spitalit të Përgjithshëm në Gjilan për të marrë trajtimin e nevojshëm mjekësor. Aktualisht, Njësia Rajonale e Trafikut Rrugor në Gjilan, përkatësisht hetuesit policorë të trafikut, janë duke hetuar rrethanat e këtij aksidenti, në të cilin janë përfshirë një automjet dhe një këmbësor.