Një aksident rrugor me pasojë plagosjen e tre personave ka ndodhur pasditen e së premtes, datë 19 qershor 2026, në aksin rrugor Lezhë-Milot. Në ngjarje janë përfshirë tre automjete, të cilat janë përplasur me njëra-tjetrën pranë fshatit Gajush.
Sipas të dhënave, ndër të plagosurit është edhe një grua. Personat e përfshirë në aksident janë dërguar me urgjencë drejt Spitalit Rajonal të Lezhës, ku po marrin ndihmën e nevojshme mjekësore. Burime nga ky institucion shëndetësor konfirmojnë se të lënduarit ndodhen jashtë rrezikut për jetën.
Shërbimet e Policisë kanë mbërritur menjëherë në vendngjarje për të kryer veprimet procedurale. Grupi hetimor po punon për zbardhjen e plotë të shkaqeve dhe rrethanave të përplasjes.