Një aksident rrugor është regjistruar mbrëmjen e 24 prillit 2026, rreth orës 21:00, në aksin rrugor Elbasan-Cërrik, në zonën e fshatit Mjekës, pranë servis “Toromani”.
Në përplasje janë përfshirë dy automjete: një Benz me targë AA170SR, të drejtuar nga shtetasi A. B., 28-vjeçari, dhe një Volkswagen Caddy me targë AA968VM, të drejtuar nga shtetasi L. R., 53-vjeçari.
Si pasojë e përplasjes, drejtuesi i mjetit Benz ka humbur jetën në vendngjarje. Drejtuesi i Volkswagen Caddy ka marrë lëndime dhe është transportuar me urgjencë në spital, ku po merr ndihmë mjekësore. Gjendja e tij shëndetësore nuk është bërë e ditur ende.
Forcat e policisë dhe grupi hetimor kanë mbërritur në vendngjarje dhe po kryejnë verifikimet për zbardhjen e rrethanave dhe shkaqeve të aksidentit.
Përditësime
Policia e Shtetit ka konfirmuar detajet e aksidentit rrugor në Elbasan–Cërrik.
- Shoferi i plagosur L.R. ndodhet jashtë rrezikut për jetën.
- Përplasja ishte 'kokë më kokë' mes dy automjeteve.