Një aksident rrugor është regjistruar në aksin nacional Lushnjë-Berat, në qendër të fshatit Fier-Shegan. Përplasja ka ndodhur midis dy automjeteve, ku një mjet tip Benz ka goditur nga pas një mjet tip Volkswagen.
Si pasojë e kësaj përplasjeje, një grua e moshuar është lënduar dhe është transportuar me urgjencë për në Spitalin e Lushnjës, ku ndodhet nën kujdesin e mjekëve.
Në momentet e para pas aksidentit, në vendngjarje kanë ndërhyrë efektivë të Forcave të Armatosura, të cilët kanë ndihmuar në disiplinimin e trafikut. Forcat e Policisë Rrugore kanë mbërritur në vendin e ngjarjes dhe po punojnë për dokumentimin e plotë të rrethanave dhe zbardhjen e shkaqeve që çuan në aksident.