Një aksident rrugor ka ndodhur në aksin e vjetër Fier-Lushnjë, ku dy automjete, një tip Benz dhe një kamionçinë, janë përplasur me njëra-tjetrën.
Si pasojë e goditjes, dy persona kanë mbetur të lënduar. Ata janë transportuar me urgjencë në spitalin rajonal të Fierit, ku ndodhen jashtë rrezikut për jetën, sipas burimeve mjekësore.
Në vendngjarje kanë mbërritur forcat e policisë dhe grupi hetimor, të cilët po kryejnë veprimet për të përcaktuar shkaqet e aksidentit. Hetimet priten të zbardhin nëse ngjarja ka ardhur nga shpejtësia, mosrespektimi i rregullave të qarkullimit apo faktorë të tjerë.
Sipas Ora News, të lënduar janë dy shoferët. Trafiku në zonë është ngadalësuar përkohësisht.