Një aksident rrugor ka ndodhur sot në rrugën dytësore drejt fshatit Baltëz në Fier. Një automjet tip Audi, me drejtues shtetasin Rrapi Mile, është përplasur me automjetin tip Nissan kamionçinë, të drejtuar nga shtetasi Alban Hebeja.
Si pasojë e përplasjes së fortë janë lënduar drejtuesi i kamionçinës dhe dy pasagjerët që ndodheshin në të. Të lënduarit janë transportuar me urgjencë në Spitalin Rajonal Fier, ku po marrin ndihmën mjekësore dhe ndodhen jashtë rrezikut për jetën.
Në vendngjarje kanë mbërritur menjëherë forcat e policisë dhe grupi hetimor, të cilët po punojnë për zbardhjen e rrethanave të aksidentit. Dëmet materiale janë të konsiderueshme, ndërsa pritet ekspertiza autoteknike për të përcaktuar dinamikën dhe shkakun e ngjarjes.
Përditësime
Aksidenti në Fier ndodhi pasditen e së premtes, 13 mars, sipas Policisë së Shtetit.