Mbrëmjen e së premtes, një aksident rrugor u regjistrua në aksin Fier-Levan, në vendin e njohur si “Kthesa e Liqenit”. Nga përplasja kokë më kokë e dy automjeteve, përkatësisht një “Fiat” dhe një “Audi”, mbetën të lënduar tre persona.
Të plagosurit, një drejtues mjeti dhe dy pasagjerë, janë transportuar me urgjencë drejt Spitalit Rajonal të Fierit, ku po marrin ndihmën e nevojshme mjekësore. Sipas informacioneve, pasagjerët që ndodheshin në automjetin tip “Fiat” ishin duke u kthyer nga një ceremoni dasme.
Në vendngjarje mbërritën shërbimet e policisë dhe grupi hetimor, të cilët po punojnë për zbardhjen e rrethanave të aksidentit. Përplasja shkaktoi bllokimin e qarkullimit në këtë aks për disa minuta.