Një aksident rrugor është regjistruar pasditen e kësaj të shtune, në vendin e njohur si Ura e Mbrostarit. Në përplasje janë përfshirë një automjet tip Fiat, i drejtuar nga shtetasi L. Xh., dhe një automjet tip Volkswagen.
Si pasojë e përplasjes, kanë marrë lëndime drejtuesi i njërit prej mjeteve dhe pasagjeri. Të plagosurit, shtetasi E. T. dhe djali i tij i mitur, janë transportuar me autoambulancë drejt Spitalit Rajonal të Fierit, ku po marrin ndihmën e nevojshme mjekësore. Sipas të dhënave paraprake, të dy të lënduarit ndodhen jashtë rrezikut për jetën.
Në vendin e ngjarjes kanë mbërritur shërbimet e policisë dhe grupi hetimor, të cilët po punojnë për të zbardhur rrethanat dhe shkaqet e këtij aksidenti. Ndërkohë, në zonat përreth vijon puna për normalizimin e qarkullimit rrugor.