Pjesëtari i Policisë së Kosovës, Rexhep Zenel Gashi, ka humbur jetën në një aksident tragjik gjatë orëve të para të mëngjesit të sotëm. Ngjarja ka ndodhur në vendin e tij të punës, në Pikën Kufitare të Morinës.
Sipas njoftimit të bërë nga familjarët, i ndjeri, i cili ishte edhe veteran i Ushtrisë Çlirimtare të Kosovës, kishte dalë për të marrë ajër të pastër, moment kur është goditur nga një automjet.
Deri në këto momente, institucionet zyrtare nuk kanë dalë me një njoftim të detajuar lidhur me dinamikën e aksidentit. Familja ka bërë të ditur se informacione shtesë për ceremoninë e varrimit do të komunikohen në vijim.