Në mbrëmjen e 20 janar 2026, rreth orës 20:00, një veturë është përfshirë nga flakët në rrugën "Papa Klementi" në Pejë.
Lajmin e ka konfirmuar zëdhënësi i Policisë për rajonin e Pejës, Fadil Gashi. Ai deklaroi se në vendngjarje kanë dalë menjëherë njësitë policore dhe zjarrfikëse. "Nuk ka persona të lënduar, ndërsa janë shkaktuar vetëm dëme materiale", tha Gashi.
Në vendin e ngjarjes kanë mbërritur gjithashtu prokurori i shtetit dhe eksperti i zjarrit për të hetuar shkaqet e incidentit. Veturë rezulton të jetë private dhe në pronësi të një pjesëtari të Policisë së Kosovës.
Sipas burimeve, dy persona janë shoqëruar në stacionin policor. Te ata është nuhatur era e benzinës ndërsa kalonin pranë vendit të ngjarjes. Të dyshuarit po intervistohen nga autoritetet kompetente.
Hetimet për përcaktimin e shkaqit të zjarrit janë në vazhdim.