Një aksident rrugor është regjistruar në aksin Durrës–Tiranë, ku një automjet është përplasur me një shtyllë anësore dhe më pas është përfshirë nga flakët. Në të njëjtën ngjarje janë raportuar edhe tri mjete të tjera të aksidentuara, duke shkaktuar trafik të rënduar në zonë.
Në vendin e ngjarjes kanë mbërritur menjëherë shërbimet e Policisë, Ambulanca dhe forcat e Zjarrfikëses. Pas ndërhyrjes së shërbimeve, flakët në automjetin e aksidentuar janë shuar. Drejtuesi i mjetit që u përplas me shtyllën ka arritur të dalë nga automjeti pa pësuar lëndime të rënda. Autoritetet po punojnë për të zbardhur rrethanat e plota të përplasjes zinxhir dhe për të konfirmuar bilancin përfundimtar të pasojave të këtij aksidenti.