Një aksident rrugor është regjistruar në orët e paradites së kësaj të marte, datë 28 korrik 2026, në aksin rrugor Elbasan–Metalurgji. Ngjarja ka ndodhur rreth orës 09:45.
Në këtë aksident janë përfshirë gjithsej katër automjete, të cilat kanë pësuar dëme të konsiderueshme materiale si pasojë e përplasjes zinxhir. Nga të dhënat e para të raportuara nga vendi i ngjarjes, dyshohet se drejtuesi i një fugoni është lënduar dhe pritet të marrë ndihmën e nevojshme mjekësore.
Forcat e Policisë kanë mbërritur menjëherë në vendin e ngjarjes për të administruar situatën dhe për të nisur hetimet. Aktualisht, po punohet për zbardhjen e rrethanave të sakta të këtij aksidenti.
Përditësime
Në aksidentin zinxhir në aksin rrugor Elbasan–Metalurgji janë përfshirë dy furgonë, një veturë dhe një trajler. Ekipet mjekësore kanë mbërritur në vendngjarje për t'i dhënë ndihmën e parë të lënduarve.