Një aksion blic po zhvillohet këtë të diel në burgun e sigurisë së ulët në Lushnje, konkretisht në Institucionin e Ekzekutimit të Veprave Penale “Kosovë e Madhe”.
Kontrollet po ushtrohen në blloqet e sigurisë dhe në qelitë e të dënuarve, me qëllim evidentimin dhe sekuestrimin e sendeve të paligjshme. Në terren ndodhen forca të sigurisë dhe personel i administratës së burgjeve.
Operacioni vijon ende dhe autoritetet nuk kanë bërë të ditura rezultatet. Pritet që Drejtoria e Përgjithshme e Burgjeve të dalë me një njoftim zyrtar pas përfundimit të aksionit.
Përditësime
Adriatik Kupi, drejtori i përgjithshëm, dhe Paulin Rajta, drejtuesi i lartë, udhëhoqën aksionin blic në burgun e Lushnjës. Operacioni u shtri në IEVP Elbasan me bashkëpunimin e drejtorit të ri. U sekuestruan sende të paligjshme dhe aksesorë komunikimi. Materialet do t'i referohen SHKBB-së dhe organeve kompetente.