Iniciativa "Jo në emrin tim" ka njoftuar mbajtjen e një aksioni simbolik para ndërtesës së Akademisë së Shkencave dhe të Arteve të Kosovës (ASHAK) në Prishtinë. Organizimi është planifikuar për ditën e premte, duke filluar nga ora 10:00. Sipas njoftimit, qëllimi i këtij aksioni është parashtrimi i një pyetjeje publike për drejtuesit e ASHAK-ut, lidhur me aktgjykimin e fundit të Gjykatës Speciale në Hagë kundrejt ish-krerëve të Ushtrisë Çlirimtare të Kosovës (UÇK). Organizatorët kanë konfirmuar gjithashtu se, pas përfundimit të aksionit, do të japin një deklaratë për mediat e pranishme.
Përditësime
Iniciativa Jo në emrin tim anuloi aksionin simbolik të planifikuar për të premten para Akademisë së Shkencave dhe të Arteve të Kosovës (ASHAK). Organizatorët njoftuan se data dhe ora e re për mbajtjen e këtij aktiviteti do të bëhen të ditura në një moment të dytë.