Prokuroria Speciale e Republikës së Kosovës ka dërguar për shqyrtim në Departamentin Special të Gjykatës Themelore në Prishtinë aktakuzën kundër shtetasit R.D., i cili dyshohet për veprën penale "Krime lufte kundër popullsisë civile".
Sipas aktakuzës, i pandehuri R.D., në atë kohë pjesëtar i Ministrisë së Punëve të Brendshme të Serbisë (MUP), më 22 maj 1999 dyshohet se ka shtënë me armë zjarri në drejtim të viktimës me inicialet Sh.D., e cila nuk u ka mbijetuar plagëve të marra.
Prokuroria e ngarkon të pandehurin se, në bashkëkryerje me pjesëtarë të tjerë të forcave serbe, ka marrë pjesë në vrasjen e 71 civilëve. Po ashtu, ndaj tij rëndojnë akuzat për:
- trajtim çnjerëzor,
- torturë,
- plaçkitje,
- dëbim të popullsisë civile shqiptare.
I pandehuri aktualisht ndodhet në masën e paraburgimit, në pritje të seancave gjyqësore.