Al-Nassr, klubi i Cristiano Ronaldo-s, i kërkoi Al-Ittihad-it huazimin e mbrojtësit të Kombëtares shqiptare Mario Mitaj deri në fund të sezonit aktual.
Kërkesa u refuzua menjëherë nga Al-Ittihad, pasi klubi verdhezi nuk dëshiron të forcojë një konkurrent direkt në Arabinë Saudite.
Mario Mitaj, 22-vjeçar, ka kontratë me Al-Ittihad deri në verën e 2028-s. Klubi e transferoi atë në janar të 2025-s për 4 milionë euro. Gazetari saudit Abdulilah Al-Amri raportoi zhvillimin, duke theksuar se Al-Nassr kërkonte një alternativë në linjën e majtë të mbrojtjes.
Sipas postimeve në rrjetet sociale nga gazetarë sauditë, Al-Nassr propozoi huazimin e Mario Mitaj plus një shumë financiare kundër lojtarit Abdulilah Al-Amri te Al-Ittihad. Oferta u refuzua direkt.
Interesi për mbrojtësin shqiptar mbetet i lartë edhe nga klubet evropiane, ndërsa afati kalimtar i dimrit po mbaron.