Aventura e futbollistit shqiptar Mario Mitaj në kampionatin saudit pritet të marrë fund gjatë kësaj vere. Pas një sezoni me pak minuta lojë te Al-Ittihad, mbrojtësi 23-vjeçar është pranë një kalimi në futbollin italian.
Lajmi është konfirmuar nga gazetari arab Mohammed Al-Bakiri, i cili thekson se Mitaj ka marrë një ofertë konkrete nga një klub i Serie A. Ndonëse emri i skuadrës mbetet ende i pazbuluar, detajet financiare të operacionit pritet të jenë mjaft të favorshme.
Sipas gazetarit Al-Bakiri, marrëveshja parashikon një shumë përfitimi për klubin e Al-Ittihad që tejkalon dyfishin e vlerës së kontratës aktuale të lojtarit. Mitaj synon rikthimin në futbollin evropian për të zhvilluar më tej karrierën e tij dhe për të siguruar më shumë hapësira aktivizimi në një nivel të lartë garues.