Mbrëmjen e 25 prillit, rreth orës 20:10, shtetasi A. D., shef sigurie në qendrën tregtare Toptani në Tiranë, njoftoi sallën operative të Drejtorisë Vendore të Policisë Tiranë për një email që paralajmëronte vendosjen e një sasie lënde plasëse, e cila do të shpërthente në orën 20:30.
Menjëherë në vendngjarje mbërritën shërbimet e policisë, Forcat Xheniere dhe strukturat e antiterrit, të cilat kryen kontrolle të plota në të gjithë perimetrin e qendrës. Përdorën edhe një qen antieksploziv për verifikime të imtë.
Qytetarët dhe stafi u evakuan për arsye sigurie, ndërsa zona u rrethua dhe lëvizja u kufizua përkohësisht. Autoritetet kërkuan nga qytetarët të shmangnin zonën deri në njoftim të ri.
Pas kontrolleve, policia konfirmoi se nuk u konstatua asgjë e paligjshme apo mjet shpërthyes. Grupi hetimor vazhdon punën për të identifikuar shtetasin që dërgoi emailin dhe për zbardhjen e rrethanave të plota të rastit.
Përditësime
Qendra Tregtare Univers (QTU) në Tiranë u evakuua pas një alarmi bombë më 26 prill, të dielën mesditën. Kërcënimi u dërgua me email të shefit të sigurisë, ngjashëm me atë në Qendrën Toptani. Policia e Shtetit evakua punonjësit dhe qytetarët, kryen kontrollat dhe konfirmoi se nuk u gjet gjë e paligjshme. Është i dyti alarm brenda 24 orëve.