Vjosa Osmani, ish-presidentja e Kosovës, njoftoi më 8 maj 2026 aderimin e ish-deputetes Albena Reshitaj në listën e saj për zgjedhjet e 7 qershorit. Osmani garon nën siglën e Lidhjes Demokratike të Kosovës (LDK) dhe po prezanton kuadro që i bashkohen kësaj liste.
Njoftimin e bëri përmes një postimi në Facebook, ku theksoi se bashkëpunimi me Reshitajn ka filluar më shumë se një dekadë më parë, mes sfidash dhe suksesesh të përbashkëta.
Prof. asoc. dr. Albena Reshitaj, ish-minsistre dhe deputete në 4 mandate nga grupi parlamentar i Lëvizjes Vetëvendosje (VV), u përshkrua nga Osmani si grua parimore me bindje politike të qëndrueshme. Ajo ka dëshmuar se nuk dorëzohet para sfidave kur është në pyetje interesi i Kosovës.
Osmani kujtoi rolin e Reshitajt në zgjedhjen e saj presidente në 2021: "Me votën e saj vendimtare, Albena krijoi kuorumin e nevojshëm dhe bllokoi rolin e Listës Serbe në krijimin e institucioneve, pa asnjë interes personal e pa kërkuar absolutisht asgjë".
Postimi vazhdoi se Reshitaj dëshmon se politika ndërtohet mbi dinjitet, integritet dhe vizion për Kosovën, e palëkundur para atyre që nuk e njohin shtetin ose duan ta shkatërrojnë atë. "Kosova ka nevojë për njerëz që dinë të punojnë bashkë, e jo për të tillë që duan të shkatërrojnë njëri-tjetrin", shkroi Osmani.
Si trashëgimtare e një familjeje atdhetare, mbesë e Ramë Bllacës, ajo do të vazhdojë të mbrojë kauza për të cilat është sakrifikuar ndër shekuj, sipas postimit të Osmanit.