Demetrio Albertini, ish-mesfushor i Milanit dhe kombëtares italiane, në një intervistë për La Gazzetta dello Sport, ka rrëfyer një prapaskenë nga finalen e Kupës së Botës USA ’94 kundër Brazilit.
Albertini, atëherë 22 vjeç, shënoi një nga pesë penalltietë e Italisë. Ai tregoi se trajneri Arrigo Sacchi e pyeti nëse ndihej gati për goditjen dhe ai pranoi pa u menduar. Megjithatë, dy lojtarë të tjerë u fshehën pas stolit për të shmangur përgjegjësinë. “Nuk do t’i them kurrë emrat, por njëri luante te Milani dhe tjetri te Interi”, deklaroi ai.
Sipas burimeve, lojtari i Interit ishte Nicola Berti, i vetmi futbollist i këtij klubi në skuadrën italiane të atij Botërori. Për Milanin, dy emra të mundshëm janë Paolo Maldini dhe Roberto Donadoni. Ky i fundit kishte humbur një penallti në gjysmëfinalen e Botërorit 1990 kundër Argjentinës.
Albertini e përshkroi humbjen si të rëndë, por theksoi se mosha e re e ndihmoi të vazhdojë karrierën. Ai luajti 79 ndeshje me Italinë, duke shënuar tre gola, dhe fitoi pesë tituj Serie A si dhe tre Liga të Kampionëve me Milanin. Gjithashtu, përmendi humbjen e finales së Euro 2000 kundër Francës si moment tjetër të dhimbshëm.