Burime të shumta italiane raportojnë se e ardhmja e trajnerit Massimiliano Allegri dhe drejtorit sportiv Igli Tare te Milani mbetet e pasigurt për verën e ardhshme, pavarësisht kualifikimit në Ligën e Kampionëve.
Gazetari pranë klubit, Carlo Pellegatti, ka bërë të ditur se Allegri mund të mos vazhdojë në San Siro përtej verës për shkak të marrëdhënieve të tensionuara me drejtorin ekzekutiv Giorgio Furlani. Kontrata e Allegrit skadon në qershor 2027, por përfshin një zgjatje automatike deri në vitin 2028 nëse Milani siguron pjesëmarrjen në Ligën e Kampionëve këtë sezon.
Palët janë takuar disa herë kohët e fundit për të diskutuar planet afatgjatë, por nuk kanë të njëjtin vizion, sipas Calciomercato.com. Ndërkohë, Tuttomercatoweb shton se Tare është nën vëzhgim për shkak të investimeve të mëdha të verës së kaluar që nuk kanë dhënë frytet e pritura, veçanërisht te lojtarët Christopher Nkunku dhe Ardon Jashari.
Milani ka shqyrtuar Tony D’Amico-në, drejtorin sportiv të Atalantës, si zëvendësues të mundshëm për Taren, por klubi bergamask vazhdon të jetë i rezervuar për ta lëshuar atë.