Gjatë protestës së zhvilluar përpara Kryeministrisë, një protestues akuzoi publikisht Ambasadën e SHBA-së se kishte ushtruar presion ndaj tij dhe pjesëmarrësve të tjerë përmes mesazheve e telefonatave anonime. I riu i drejtoi një pyetje publike selisë diplomatike, duke pretenduar se intimidimi ishte kryer në emër të këtij institucioni.
Në përgjigje të këtyre deklaratave, Ambasada e Shteteve të Bashkuara reagoi menjëherë përmes një zyrtari të saj. Në qëndrimin zyrtar, institucioni deklaroi se pretendimet e ngritura nga foltorja e protestës nuk kanë asnjë bazë dhe janë krejtësisht të pavërteta. Selia diplomatike mohoi kategorikisht çdo lidhje me komunikimet e përmendura, duke sqaruar se nuk qëndron pas asnjë akti apo ndërhyrjeje të tillë ndaj qytetarëve që marrin pjesë në tubime.
Përditësime
Ambasada e SHBA ka mohuar zyrtarisht pretendimet për kërcënime ndaj një protestuesi, përmes një përgjigjeje për median Shqiptarja.com. I riu u bë protagonist i një videoje virale gjatë protestës në Tiranë, ku dëgjohej duke pyetur autoritetet: 'Kështu e trajtoni ju rininë shqiptare? Turp'.