Ambasada e Shteteve të Bashkuara në Tiranë ka lëshuar një njoftim për qytetarët amerikanë lidhur me protestën e planifikuar nga Partia Demokratike të enjten, më 12 mars 2026, në orën 10:00, para ndërtesës së Kuvendit në Rruga George W. Bush.
Sipas njoftimit, protestuesit do të mblidhen në atë zonë dhe demonstrata mund të zgjerohet në rrugët përreth si dhe në ndërtesat qeveritare. Pritet prani e shtuar e forcave të policisë, mbyllje rrugësh dhe ndërprerje të qarkullimit të automjeteve në orët para dhe gjatë tubimit. Personelit të ambasadës i është kërkuar të shmangë zonën. Qytetarët amerikanë këshillohen të monitorojnë mediat lokale, të ndjekin udhëzimet e autoriteteve vendore dhe të prioritizojnë sigurinë personale, pasi protestat shpesh fillojnë paqësisht, por situatat mund të ndryshojnë shpejt.
Këshillat e Ambasadës
- Shmangni ngjarjen plotësisht.
- Jini të vetëdijshëm për mjedisin përreth.
- Kufizoni shpërqendrimet si telefonat ose kufjet në publik.
- Keni gjithmonë një plan emergjence ose strategji daljeje.
- Mbani një profil të ulët.
Masat e Policisë
Policia e Tiranës ka njoftuar kufizimin e lëvizjes nga ora 06:00 deri në përfundim të tubimit në Rruga George W. Bush. Në varësi të zhvillimeve, mund të ketë devijime në akse të tjera rrugore. Policia kërkon mirëkuptim nga qytetarët dhe apelon për distancim nga veprimet e kundërligjshme.
Protesta zhvillohet në kohën kur Parlamenti do të votojë për heqjen e imunitetit të deputetes Belinda Balluku, si dhe për lejen e kërkuar nga SPAK për arrestimin e saj.