Kombëtarja e Kosovës arriti fitoren 4-3 ndaj Sllovakisë të enjten mbrëma, në ndeshjen gjysmëfinale të play-off-it për kualifikim në Kupën e Botës 2026. Kjo fitore, më e madhja në historinë e saj, siguron për Dardanët vendin në finale.
Ambasada e SHBA-së në Kosovë e ka uruar ekipin përmes një postimi në faqen zyrtare në Facebook. „Urime Kosovë për fitoren historike!“, shkroi ambasada, duke shprehur mbështetje për triumfin e Kosovës.
Ndeshja e ardhshme zhvillohet të martën, më 31 mars, në stadiumin Fadil Vokrri në Prishtinë, ku Kosova përballet me Turqinë për biletën drejt turneut botëror.