Ambasada e SHBA në Shqipëri, një javë më parë, u bëri thirrje qytetarëve amerikanë që jetojnë në vend të shmangnin disa destinacione si bare dhe restorante në Tiranë.
Të kontaktuar nga emisioni Quo Vadis në Vizion Plus, përfaqësuesit e ambasadës sqaruan se thirrja bazohet në prioritetin për mbrojtjen e shtetasve amerikanë kudo që ata ndodhen.
Ambasada nuk dha detaje specifike për lokalet e përfshira. Në përgjigjen e saj, ajo theksoi se ambasadat dhe konsullatat e SHBA në botë lëshojnë mesazhe STEP për t’u dhënë mundësi qytetarëve amerikanë të mbrojnë veten.