Rainer Rudolph, ambasadori i Gjermanisë në Kosovë, në një intervistë për mediat vendase, përfshirë RTK-në, u adresoi një mesazh aktorëve politikë në të gjithë spektrin.
Ai u kërkoi atyre të mendojnë për të mirën e vendit në ndërveprimin me miqtë ndërkombëtarë dhe të shtyjnë përpara agjendën evropiane. "Ajo çfarë mund të bëjmë ne si miq të këtij shteti është që ta marrim këtë dinamikë që rrjedh nga vetë vendi; nuk mund ta krijojmë ne vetë, dhe për të pasur këtë momentum pozitiv, na duhen institucione stabile që përfaqësojnë vendin", deklaroi Rudolph.
Ambasadori nënvizoi se miqtë ndërkombëtarë nuk mund ta bëjnë punën e shtetit të Kosovës. Ai shprehu dëshirën për të punuar me institucione të qëndrueshme, pavarësisht vendimeve të Gjykatës Kushtetuese, për të avancuar agjendën e përbashkët ekonomike, politike dhe të sigurisë.
Sa i përket Ligjit për të huajt, Rudolph tha se ai duhet të zbatohet në mënyrë që të mos pengojë jetën e përditshme të qytetarëve dhe pakicave, duke ruajtur shërbimet shëndetësore dhe arsimore.
Ai potencoi partneritetin e fortë mes Gjermanisë dhe Kosovës, me fokus në zgjerimin e bashkëpunimit në ekonomi, tregti, investime, zhvillim dhe përgatitjen për anëtarësim në Bashkimin Evropian.
Përditësime
Ambasadori gjerman deklaroi se "nuk kam asnjë ide se si do të vendosë Gjykata Kushtetuese dhe thjesht nuk më përket mua". Ai përmendi dy raunde zgjedhje nacionale vitin e kaluar dhe zgjedhje lokale, duke thënë se "jam në kontakt me të gjitha palët politike, të qeverisë dhe opozitës". Ai refuzoi të japë udhëzime: "nuk e konsideroj punën time të them dikujt që është i zgjedhur demokratikisht."