Ambasadori i Mbretërisë së Bashkuar në Kosovë, Jonathan Hargreaves, ka zhvilluar një takim me Donika Gërvalla-Schwarz, ministre e Drejtësisë.
Në një postim në Facebook, ambasadori shkruan se e ka uruar ministrën për rolin e ri dhe ka diskutuar rëndësinë e zgjidhjes së shpejtë të sfidave politike. Kjo lejon Kosovën të ecë përpara dhe të ofrojë rezultate për qytetarët.
Postimi i plotë: «Sot pasdite e urova Ministren e Drejtësisë Donika Gërvalla-Schwarz për rolin e saj të ri dhe diskutuam rëndësinë e zgjidhjes së shpejtë të sfidave politike në mënyrë që Kosova të mund të ecë përpara dhe të japë rezultate për qytetarët. Gjithashtu folëm për vazhdimin e bashkëpunimit në luftimin e dhunës me bazë gjinore dhe për mbështetjen e të mbijetuarve të dhunës seksuale të lidhur me konfliktin – që mbetet një prioritet për Mbretërinë e Bashkuar – si dhe për punën e Mbretërisë së Bashkuar në mbështetje të sektorit të drejtësisë».