Mathew Whitaker, Ambasadori i SHBA-së në NATO, do të qëndrojë për vizitë zyrtare në Republikën e Kosovës më 21 dhe 22 prill 2026.
Policia e Kosovës ka bërë të ditur për këtë vizitë përmes një njoftimi në rrjetet sociale. Gjatë kësaj periudhe, policia do të kujdeset për ruajtjen e rendit dhe qetësisë publike, si dhe rregullimin e trafikut gjatë lëvizjes së eskortës dhe qëndrimit të delegacionit.
Për të mundësuar qarkullim të lirë të eskortës sipas itinerarit dhe zhvillimin e aktiviteteve sipas agjendës zyrtare, Policia e Kosovës do të kryejë ndërprerje të përkohshme të qarkullimit të trafikut në intervale të shkurtra kohore në disa segmente rrugore ku pritet të kalojë eskorta. Mund të ketë riorientim të trafikut në rrugë alternative.
Policia e Kosovës kërkon mirëkuptim të plotë nga qytetarët dhe pjesëmarrësit në trafik.
Përditësime
Albulena Haxhiu priti Ambasadorin Matthew G. Whitaker në një takim të mbyllur për media. Mediat morën pamje vetëm para takimit.