Presidenti i Këshillit Evropian, António Costa, do të zhvillojë një vizitë zyrtare në Kosovë të mërkurën, më 3 qershor 2026. Në kuadër të axhendës, ai do të zhvillojë një takim me ushtruesen e detyrës së presidentes së vendit, Albulena Haxhiu, i cili është planifikuar të fillojë në orën 11:00.
Në lidhje me këtë vizitë, Policia e Kosovës ka njoftuar angazhimin e kapaciteteve të nevojshme për të garantuar sigurinë, rendin publik dhe menaxhimin e trafikut. Sipas komunikatës zyrtare, për mbarëvajtjen e aktiviteteve, do të ndërmerren masa të përkohshme që përfshijnë:
• Ndërprerje të shkurtra kohore të qarkullimit në segmente të caktuara rrugore.
• Riorientim të trafikut në rrugë alternative, në varësi të vlerësimeve të sigurisë.
Policia theksoi se do të punojë në koordinim me institucionet përkatëse për të minimizuar ndikimin e këtyre masave në lëvizjen e qytetarëve. Autoritetet u kanë kërkuar mirëkuptim dhe bashkëpunim pjesëmarrësve në trafik, duke apeluar për respektimin e udhëzimeve që do të jepen nga zyrtarët policorë në terren gjatë zhvillimit të vizitës.
Përditësime
Kryeministri në detyrë, Albin Kurti, do të presë në takim António Costan në orën 11:40. Për shkak të kësaj vizite zyrtare, Policia e Kosovës ka njoftuar masa të shtuara të sigurisë dhe ndryshime në trafik.