Ambasadori i Iranit në Spanjë, Reza Zabib, paralajmëroi se vendi i tij “do të sulmojë çdo bazë amerikane në Evropë, nëse do të jetë e nevojshme”, sipas Sky News.
Diplomati iranian theksoi se Irani është “një vend i aftë të reagojë”, në kontekstin e përshkallëzimit të tensioneve në Lindjen e Mesme.
Ministri i Brendshëm i Spanjes urdhëroi forcimin e masave të mbikëqyrjes dhe sigurisë në të gjithë territorin spanjoll për shkak të kërcënimeve të mundshme.
Ky vendim erdhi pasi Spanja refuzoi t’i lejojë Shtetet e Bashkuara përdorimin e bazave të përbashkëta ushtarake në territorin e saj për sulme ndaj Iranit. Si pasojë, SHBA tërhoqën disa avionë cisternë KC-135 nga bazat në Kadiz dhe Sevilje.
Gjithashtu, shkatërruesit amerikanë USS Bulkeley dhe USS Roosevelt, të cilët u larguan nga Kadizi javën e kaluar, morën pjesë në sulmet kundër Iranit, sipas konfirmimit të autoriteteve amerikane.