Dhjetëra anëtarë të shoqatës "Pëllumbat e postës 2003" kanë zhvilluar një protestë në Fier më 10 maj 2026, duke ngritur shqetësimin se po pengohen të marrin pjesë në garat ndërkombëtare jashtë vendit.
Sipas përfaqësuesve të shoqatës, shkak është bërë një shkresë zyrtare e dërguar nga KOKSH te doganat, në të cilën pretendohet se anëtarët nuk lejohen të zhvillojnë aktivitete ndërkombëtare pa u regjistruar pranë federatës përkatëse.
Protestuesit pohuan se shoqata është e njohur ndërkombëtarisht, e organizuar prej vitesh dhe pjesëmarrëse në gara kombëtare e ndërkombëtare në Ballkan dhe vende të ndryshme të Evropës. Sportistët udhëtojnë rregullisht me automjete dhe kafaze pëllumbash drejt vendeve ku zhvillohen aktivitetet dhe kthehen normalisht në Shqipëri, pa pengesa deri tani.
Disa javë më parë, ata u përballur me probleme në kufirin me Kroacinë, ku u është bllokuar kalimi për shkak të kësaj situate administrative.
Protestuesit theksuan se shoqata renditet mes më të mirave në botë për rezultatet sportive. Ata kundërshtojnë detyrimin për regjistrim pranë federatës, duke argumentuar se funksionojnë si organizatë e pavarur dhe e njohur ndërkombëtarisht.
Përballë kësaj situate, ata kanë pohuar se, nëse ndalohen në doganë, do të përshkallëzojnë protestën.