Gjykata e Apelit Tiranë ka vendosur ndryshimin e masës së sigurisë për pesë protestues të ndaluar pas protestës së Partisë Demokratike më 17 prill 2026. Masa arrest në burg u zëvendësua me detyrim për t’u paraqitur në policinë gjyqësore, duke urdhëruar lirimin e menjëhershëm të tyre.
Personat e liruar janë:
- Klemend Çuçka
- Bujar Tusha
- Henri Shapllo
- Mirvet Toçilla
- Sem Bici
Ata do të paraqiten periodikisht në organet e policisë gjyqësore, në vijim të hetimeve. Vendimin e mori gjyqtari Dritan Hasa, pas kërkesës së palës mbrojtëse.
Protesta e PD rezultoi me 11 persona nën hetim për vepra penale si kundërshtim i punonjësit të rendit publik, prishja e rendit dhe qetësisë publike, mbajtje pa leje e armëve shpërthyese, goditje për shkak të detyrës, shkatërrim i pronës me zjarr dhe prodhim dhe mbajtje pa leje e mjeteve të rrezikshme. Pesë prej tyre kishin masën arrest në burg në shkallën e parë, ndërsa gjashtë të tjerë morën detyrim paraqitjeje:
- Bardhyl Ndoun
- Sokol Bajraktari
- Igball Domi
- Gentjan Tuga
- Ernest Kapo
- Edison Shyti.
Përditësime
Protestuesit dyshohen se hodhën kokteje Molotov drejt godinës së Këshillit të Ministrave.
Gjyqtari i shkallës së parë për rastin është Enkel Peza.