Arabia Saudite ka rikthyer kapacitetin e plotë të tubacionit të saj kryesor të naftës Lindje-Perëndim pas sulmeve të enjten në vend dhe në infrastrukturën energjetike përreth.
Ministria e Energjisë bëri të ditur se sulmet kishin ndaluar dërgimin e 700 mijë fuçive naftë në ditë përmes këtij tubacioni. Që nga fillimi i luftës SHBA-së dhe Izraelit me Iranin, Arabia Saudite ka ridrejtuar eksportet e naftës larg Ngushticës së Hormuzit, ku dërgesat pothuajse janë ndalur. Nafta e papërpunuar tani dërgohet drejt një terminali në Detin e Kuq përmes tubacionit Lindje-Perëndim.
Ministria e Energjisë njoftoi se objekti i prodhimit Manifa, pranë bregdetit, është rikthyer në funksion pas sulmeve të javës së kaluar. Punimet e riparimit vazhdojnë në fushën naftëmbajtëse Khurais, më në brendësi të vendit.