Pas shpalljes së vendimit nga Gjykata Speciale në Hagë për drejtuesit e Ushtrisë Çlirimtare të Kosovës, deputeti i Lidhjes Demokratike të Kosovës (LDK), Arben Gashi, ka shprehur qëndrimin e tij në rrjetet sociale. Ai ka shpërndarë sërish një shkrim të tij të datës 1 gusht 2025, përmes të cilit kërkonte ndërhyrjen e Kuvendit të Kosovës për të ndaluar përdorimin e dokumenteve të prodhuara nga shteti serb në proceset gjyqësore.
Në postimin e tij, Gashi ka theksuar se ka folur në kohën e duhur për këtë çështje, duke u shprehur: “Kam folur kur ishte koha. Shihni çfarë kam thënë më 1 gusht 2025. Kaq”. Përmes këtij rikthimi të qëndrimit të tij, deputeti synon të rikonfirmojë përpjekjet e mëhershme për të kufizuar veprimtarinë e këtij institucioni lidhur me provat e ardhura nga Serbia.