Arbër Hoxha, sulmuesi i Kombëtares shqiptare, në një intervistë ka folur për ndeshjen play-off të muajit mars kundër Polonisë.
Ndeshja do të zhvillohet më 26 mars në transfertë, në Poloni. Hoxha shprehu dëshirën që kjo përballje të luhej në Tiranë, para tifozëve kuqezi, por theksoi se fitorja ndaj Serbisë si mysafir ka rritur besimin e skuadrës.
“Nuk është problem që luajmë në transfertë, edhe pse do donim të luanim në stadiumin tonë të zjarrtë në Tiranë. E dimë se do kemi shumë tifozë atje dhe besojmë se do marrim një fitore ndaj Polonisë. Pas fitores në Serbi, ndjejmë se jemi më të fortë”, u shpreh Arbër Hoxha.
Sipas tij, suksesi në Serbi ka dhënë motivim të gjithëve dhe forcë për të mposhtur çdo kundërshtar larg shtëpisë.