Kombëtarja shqiptare ka mbyllur përgatitjet për ndeshjen e nesërme ndaj Polonisë, e vlefshme për fazën play-off të Botërorit 2026. Takimi luhet në orën 20:45 në stadiumin PGE Narodowy në Varshavë.
Kuqezinjtë, të drejtuar nga trajneri Sylvinho, zhvilluan një seancë të plotë stërvitore. Sipas Departamentit të Komunikimit në FSHF, të gjithë lojtarët janë gati për sfidën.
Skuadra u nis sot nga Arena Kombëtare drejt Aeroportit Ndërkombëtar Nënë Tereza për të udhëtuar në Varshavë. Një ditë më parë zhvilloi stërvitjen e dytë, ku u bashkuan edhe tre lojtarët e fundit. Të gjithë futbollistët janë në gjendje optimale fizike.
Pas mbërritjes, Kombëtarja do të zhvillojë stërvitjen zyrtare në stadium në orën 18:00. Në prag të ndeshjes, trajneri dhe një lojtar do të dalin në konferencën për shtyp.
Atmosfera brenda grupit është shumë pozitive dhe i gjithë ekipi dhe stafi janë të motivuar për të zhvilluar një ndeshje të mirë.
Përditësime
Lukasz Vashovski, sekretari i përgjithshëm i Federatës Polake të Futbollit, konfirmoi se stadiumi PGE Narodowy do të ketë çatinë e mbyllur.
Lojtarët nuk do të ndikohen nga kushtet atmosferike.
Shqipëria debuton për herë të parë në këtë fazë të play-off-it.