Kombëtarja shqiptare ka nisur zyrtarisht grumbullimin dhe seancën e parë stërvitore për sfidën me Poloninë, e parashikuar më 26 mars në Varshavë, në kuadër të gjysmëfinales së play-off-it për Botërorin.
Trajneri Sylvinho ka zhvilluar stërvitjen e parë, duke u fokusuar në aspektin tekniko-taktik dhe duke vlerësuar gjendjen e lojtarëve. Grupi është pothuajse i plotë, por mungojnë tre lojtarë: Ylber Ramadani, Arber Hoxha Gripshi dhe Myrto Uzuni.
Arber Hoxha Gripshi dhe Myrto Uzuni priten të bashkohen me vonesë për shkak të distancës, ndërsa Ylber Ramadani ka qenë i angazhuar në ndeshjen midis AS Roma-s dhe US Lecce-s. Të tre do t’i bashkohen skuadrës në ditët në vijim.
Kuqezinjtë synojnë fitoren për të mbajtur gjallë shanset e kualifikimit. Nëse kalojnë pengesën polake, në finale do të përballen me fituesin e ndeshjes midis Ukrainës dhe Suedisë.