Kryetari i Aleancës për Ardhmërinë e Kosovës, Ardian Gjini, ka publikuar një qëndrim kritik në rrjetin social 'Facebook' lidhur me zhvillimet e fundit politike në Kosovë. Në reagimin e tij, Gjini u fokusua te marrëdhënia e kryeministrit Albin Kurti me partitë opozitare dhe qytetarët.
Sipas Gjinit, kryeministri Kurti po e vlerëson situatën aktuale si një arritje politike, duke besuar se ka arritur të dërrmojë Partinë Demokratike të Kosovës (PDK) dhe Lidhjen Demokratike të Kosovës (LDK). Megjithatë, kreu i Aleancës thekson se ky proces i shërbeu kryeministrit për të shfaqur mënyrën se si ai e ushtron pushtetin.
Në deklaratën e tij, Gjini u shpreh: “Po i duket që i dërrmoi PDK-në dhe LDK-në, por po harron se në të njëjtën kohë e zbuloi edhe veten, se sa i pandershëm, sa mashtrues dhe sa brutal është kundër qytetarëve të Kosovës”.