Kryetari i Aleancës, Ardian Gjini, në një intervistë për emisionin “Adresa” në Kanal 10, ka bërë të ditur qëndrimin e tij refuzues ndaj ftesës për takim të dërguar nga kryeministri Albin Kurti. Gjini theksoi se partia e tij nuk do të përfshihet në bisedime të mbyllura prapa dyerve të zyrave, duke argumentuar se takimet e tilla krijojnë hapësirë për manipulime dhe interpretime të pasakta pas përfundimit të tyre.
Sipas Gjinit, kushti i vetëm për një diskutim politik është transparenca e plotë përmes transmetimit të drejtpërdrejtë televiziv, i cili, sipas tij, garanton të vërtetën për opinionin publik. Ai shtoi se qëndrimet e subjektit të tij politik janë tashmë të qarta dhe nuk kërkojnë diskutime të fshehta.
Gjatë kësaj deklarate, Ardian Gjini ka shprehur ironi në lidhje me ftesat e kryeministrit, duke thënë se nëse Kurti kërkon sërish takim me të, ai do ta delegonte nënkryetaren e Aleancës, Time Kadrijaj, duke ia dërguar si dhuratë simbolike një tabellë me vezë.