Sonte në Atlanta, Argjentina dhe Egjipti zhvillojnë takimin e fazës së 1/8 së finales në kuadër të Kupës së Botës 2026. Skuadra argjentinase vjen në këtë sfidë pas një fitoreje 3-2 ndaj Kepit të Gjelbër, ndërsa Egjipti siguroi kualifikimin pasi eliminoi Australinë nëpërmjet penalltive.
Trajnerët Lionel Scaloni dhe Hossam Hassan kanë bërë publike formacionet zyrtare. Për Argjentinën, krahasuar me ndeshjen e mëparshme, trajneri Scaloni ka aktivizuar nga minuta e parë Julian Alvarez në vend të Lautaro Martinez, si dhe Nicolas Tagliafico në krahun e majtë të mbrojtjes, në vend të Facundo Medina.
Formacionet zyrtare të ndeshjes:
• Argjentina: E. Martinez, N. Molina, C. Romero, L. Martinez, N. Tagliafico, R. De Paul, A. Mac Allister, L. Paredes, E. Fernandez, L. Messi, J. Alvarez.
• Egjipti: M. Shobeir, K. Hafez, R. Rabia, Y. Ibrahim, M. Hany, H. Hassan, M. Lashin, M. Attia, E. Ashour, M. Ziko, M. Salah.
Kjo është përballja e parë mes këtyre dy ekipeve që nga viti 2008, kur Argjentina fitoi me rezultatin 2-0 në Kajro. Nëse Argjentina kalon më tej, mbetet pretendente për mbrojtjen e titullit, ndërsa Egjipti synon arritjen historike për të kaluar në çerekfinale, një sukses që do ta bënte shtetin e pestë afrikan që e arrin këtë fazë në historinë e Kupës së Botës.