Sulmuesi i Kombëtares shqiptare Armando Broja u rikthye në fushë te Burnley gjatë ndeshjes së shtunës kundër Bournemouth-it, të vlefshme për javën e 30-të të Premier League-së. Ndeshja u mbyll me barazim pa gola 0-0, ndërsa Broja hyri në lojë në minutën 88-të, duke zëvendësuar Flemming-in.
Ky rikthim erdhi pas një mungese të gjatë për shkak të dëmtimit të pësuar që nga 20 shkurti. Dy ditë para ndeshjes, trajneri i Burnley-t, Scott Parker, kishte njoftuar se Broja kishte filluar vetëm stërvitjet individuale. Prania e tij në stol dhe hyrja në lojë tregojnë një rikuperim të suksesshëm, pasi në Premier League lojtarët futen në listë vetëm kur janë gati për të luajtur.
Rikthimi i 24-vjeçarit jep alternativa për trajnerin e Kombëtares shqiptare, Sylvinho-n, para sfidës vendimtare ndaj Polonisë më 26 mars në Varshavë, për fazën play-off të Kupës së Botës 2026. Kjo ndeshje ofron më shumë opsione sulmuese për ekipin kuqezi.
Përditësime
Armando Broja rikthehet te Burnley pas 5 ndeshjesh mungese ndaj Bournemouth-it