E ardhmja e sulmuesit Armando Broja duket gjithnjë e më larg klubit anglez të Burnley. Sipas raportimeve nga Sky Sport, lojtari është në listën e dëshirave të skuadrës së Al Jazira në Emiratet e Bashkuara Arabe. Një transferim i mundshëm në këtë kampionat do të shënonte ribashkimin e Brojës me mesfushorin Kristjan Asllani, i cili është pjesë e këtij ekipi në formë huazimi nga Inter.
Ndërkohë, klubi i Burnley mban një qëndrim të prerë për kushtet e largimit të lojtarit. Edhe pse është shfaqur interes për huazime, siç ishte rasti me ekipin grek të PAOK apo më herët me gjermanët e Schalke, klubi anglez kërkon një transferim përfundimtar ose një huazim që përfshin detyrimin për blerje në fund të sezonit. Mundësia për një kalim në Greqi është konsideruar e mbyllur, pasi afati i transferimeve në kampionatin grek ka përfunduar.
Përballë kësaj situate, Al Jazira paraqitet si opsioni më konkret, pasi merkatoja në Emiratet e Bashkuara Arabe qëndron e hapur deri më 28 shtator. Ky zhvillim vjen pas një fillimi të vështirë të sezonit për Brojën te Burnley, ku futbollisti ka pasur minutazh të kufizuar në kampionatin anglez të Championship, ndërsa skuadra renditet në vendin e fundit pas 7 javësh pa marrë ende fitoren e parë.
Përditësime
PAOK zyrtarizoi nënshkrimin me Simon Banza, duke mbyllur përfundimisht opsionin për transferimin e Armando Brojës në Greqi. Largimi i Banza-s nga Al Jazira krijon një hapësirë të re në skuadrën e Emirateve të Bashkuara Arabe, duke rritur mundësinë e transferimit të sulmuesit të Burnley. Burime pranë klubit anglez sqaruan se kalimi i Brojës nga Chelsea te Burnley në vitin 2025 është realizuar për një vlerë prej 23 milionë eurosh.