Zyrtarët e Njësisë së Hetimeve të Stacionit Policor në Obiliq kanë arrestuar dy persona të moshës 18-vjeçarë, B.B. dhe D.O., shtetas të Kosovës. Të dyshuarit dyshohet se janë të përfshirë në së paku tetë raste të vjedhjeve të rënda të parave nga aparatet e pagesës për larje veturash me vetëshërbim, kryesisht në rajonin e Prishtinës.
Pas një pune intensive hetimore, policia ka identifikuar gjithsej gjashtë persona të dyshuar. Dy prej tyre janë arrestuar dhe, me vendim të Prokurorit të Shtetit, janë dërguar në mbajtje për 48 orë.
Zëdhënësja e Policisë për rajonin e Prishtinës, Flora Ahmeti, ka konfirmuar se hetimet vazhdojnë për zbardhjen e plotë të rasteve. Policia është në kërkim të katër personave të tjerë të dyshuar, të cilët tashmë janë identifikuar.